No.
|
Pada
|
Gancaran (Parafrase)
|
1.
|
Padha gulangen ing kalbu,
ing sasmita amrih lantip, aja pijer mangan nendra, kaprawiran den kaesthi
pesunen sariranira, sudanen dhahar lan guling.
|
Wong iku kudu nglatih ati
supaya peka. Aja tansah mangan lan turu. Kekendelan sing diutamakake utawa
digatekake. Kudu bisa nahan hawa nepsu, ngurangi mangan lan turu.
|
2.
|
Dadiya laku niraku, cegah
dhahar lawan guling, anganggoa sawatawis, ala watake wong suka, nyuda
prayitnaning batin.
|
Dadikake gaweyan,
ngurangi mangan, turu, lan seneng-seneng. Seneng-seneng mung sedela wae. Ala
lakune wong kang seneng
keluweh-luwehan, amarga bakal ngurangi kawaspadanan ati.
|
3.
|
Yen wus tinitah wong
agung, ywa sira gumunggung dhiri, aja nyelaki wong ala, kang ala lakunereki,
nora wurung ngajak-ajaksatemah anunelari.
|
Yen wis dadi wong agung
utawa wong sing nduweni drajat. Aja seneng gumedhe ing dhiri. Aja nyedhaki
wong kang lakune ala. Sing senenge ngajaking pagaweyang kang ala.
|
4.
|
Nadyan asor wijilipun, yen kelakuwane becik,
utawa sugih cerita, kang dadi misil, yen pantes raketana, darapon mundhak
kang budi.
|
Senajan seka wong ngisor, yen lakune becik
utawa sugih crita sing bisa dadi tuladha. Yen pantes, cedhaki wae ben bisa munggahake laku kang becik.
|
5.
|
Yen wong anom pan wus tamtu, manut marang kang
ngadhepi, yen kang ngadhep keh durjana, tan wurung bisa anjudi, yen kang
ngadhep akeh bangsat, nora wurung dadi maling.
|
Yen wong enom wis tamtu, manut marang wong
sing ngadhepi. Yen sing ngadhepi nglakoni sing ora becik utawa ala, dadi wong
kang diadhepi utawa wong enom bakal ketularan dadi ala.
|
6.
|
Sanadyanta nora melu, pasti wruh lakuning
maling, kaya mangkono sabarang, panggawe ala puniki, sok weruha gelis bisa,
yeku panuntuning iblis.
|
Senajan ora melu, mesthi weruh lakune maling.
Sing nggawe ala kuwi, sok weruh cepet bisa yaiku tuntunane iblis.
|
7.
|
Panggawe becik puniku, gampang yen wus den
lakoni, angel yen during linakwan, aras-arasen nglakoni, tur iku den
lakonana, mumfa’ati badaneki.
|
Panggawe becik kuwi, gampang yen wis kelakon,
nanging angel yen durung kelakon. Arang-arang nglakoni, tur kuwi kudu
dilakoni kanggo manfaatake badan.
|
8.
|
Yen wong anom-anom iku, kang kanggo ing masa
iki, andhap asor dipun bucal, umbag gumunggung ing dhiri, obrol umuk kang den
gulang, kumenthus lengus kumaki.
|
Yen wong enom-enom ing masa iki, kurang andhap
asor. Bisane mung umuk ing dhiri, sing
dlatih mung ngomong gumedhe, kumenthus lengus kumaki.
|
9.
|
Sapa sira sapa ingsun, angalunyat serta edir,
iku lambanging wong ala, nom-noman adoh wong becik, emoh angrungu carita,
kang ala miwah kang becik.
|
Apa wae sing tak lakoni, angalunyat serta
umuk. Padhahal iku lambange wong ala. Wong enom yen adoh saka wong becik,
emoh mirengake crita, kang ala lan kang becik.
|
10.
|
Carita pan wus kalaku panggawe ala lan becik
tindak bener lan kang ora kalebu jro cariteki mulane aran carita kabeh-kabeh
den kawruhi.
|
Kadadeyan sing wis klakon bisa nggawe ala lan
becik. Tumindak bener lang kang ora klebu ing jero crita iki, mulane yen
nggoleki crita kabeh-kabeh sing ngilmuni.
|
11.
|
Mulane wong anom iku becik ingkang ataberi
jejagongan lan wong tuwa ingkang sugih kojah ugi kojah iku warna-warna ana
ala ana becik
|
Mulane wong enom iku becik kang ataberi
jejagongan lan wong tuwa kang sugih crita utawa pengalaman. Crita utawa
pengalaman kuwi uga warna-warna, ana sing ala la nana sing becik.
|
12.
|
Ingkang becik kojahipun sira anggoa kang
pasthi ingkang ala singgahana aja sira anglakoni lan den awas wong akojah iya
ing mangsa puniki.
|
Crita kang becik anggoa
kang pasthi. Crita kang ala singgahana, aja dilakoni lan wong kang nduweni
crita iku ya wong ing mangsa iki.
|
13.
|
Akeh wong kang sugih
wuwus nanging den sampar pakolih amung badane priyangga kang den pakolihken ugi panastene kang den umbar tan anganggo
sawatawis.
|
Akeh wong kang sugih
pengalaman nanging diterak. Mung dinggo muwasake badan priyangga kang
dipuwasake uga gampang nesu kang diumbar lan dinggo mung sementara.
|
14.
|
Aja na wong bisa tutur ngemungna ingsun
pribadi aja na kang amemadha angrasa pinter pribadi iku setan nunjang-nunjang
tan pantes dipun pareki.
|
Wong kang nduweni laku
gumedhe karo awake dhewe iku angonane setan kang pantes dipareki.
|
15.
|
Sikakna den kaya asu yen wong kang mangkono
ugi dahwen open nora layak yen sira sandhingan linggih nora wurung katularan
becik singkirana ugi.
|
Kudu bisa nyegah wong kang kaya asu, yen ana
wong sing kaya ngono uga ora layak yen lungguh sandhingan, amarga ora bisa
ketularan becik.
|
16.
|
Poma-poma wekas ingsun mring kang maca layang
iki lair batin den estokna saunine layang iki lan den bekti mring wong tuwa
ing lair prapta ing batin.
|
Saumpama wekas marang kang maca pesen iki,
lair batin diestokna saunine pesen iki lan bekti marang wong tuwa ing lair
tekan ing ati utawa batin.
|
Kamis, 05 November 2015
Basa Jawa : Gancaran (Parafrase) Tembang Kinanthi
Langganan:
Posting Komentar (Atom)
Matur nuwun sanger
BalasHapus*t
BalasHapusMantullll
BalasHapusSuwun
BalasHapusMatur suwun
BalasHapusSalam saking Karanganyar Jawa Tengah
BalasHapusMatur nuwun
BalasHapusMatur nuwun
BalasHapus